Nokkur heillaráð

Fyrir nokkru hnaut ég um litla, fallega bók sem heitir Lítill leiðarvísir um lífið – 509 heillaráð.

Bókin er eftir H. Jackson Brown en um er að ræða heillaráð sem hann færði syni sínum að gjöf þegar hann flutti að heiman til að hefja háskólanám. Brown sagðist einhvern tímann hafa lesið að foreldrar ættu ekki að varða veginn fyrir börnin sín heldur fá þeim vegkort í hendur. Þetta var vegkort Jackson Brown til Adams sonar síns. Örlítið sýnishorn: 

1. ✤ Hældu þremur manneskjum á dag
   

2. ✤ Horfðu á sólina koma upp minnst einu sinni á ári
   

3. ✤ Heilsaðu með þéttu handtaki
   

4. ✤ Horfðu í augu fólks
   

5. ✤ Lærðu á hljóðfæri
   

6. ✤ Plantaðu blómum á hverju vori
   

7. ✤ Vertu fyrri til að heilsa
   

8. ✤ Vertu umburðarlyndur gagnvart sjálfum þér og öðrum
   

9. ✤ Kauptu alltaf af börnum sem eru með hlutaveltu
   

10. ✤ Gefðu reglulega blóð
    

11. ✤ Varðveittu leyndarmál
    

12. ✤ Kauptu grænmeti af garðyrkjumönnum sem nota handskrifuð auglýsingaskilti
    

13. ✤ Færðu ástvinum óvæntar gjafir
    

14. ✤ Viðurkenndu mistök þín
    

15. ✤ Njóttu fólks, ekki nota það
    

16. ✤ Sýndu börnum hlýju eftir að þú hefur tekið í lurginn á þeim
    

17. ✤ Hjólaðu
    

18. ✤ Líttu ekki á góða heilsu sem sjálfgefinn hlut
    

19. ✤ Lærðu að dansa
    

20. ✤ Varastu að láta hæðnisorð falla
    

21. ✤ Farðu með dagblöð, flöskur og dósir í endurvinnsluna
    

22. ✤ Láttu aldrei sjá þig ölvaðan
    

23. ✤ Kauptu aldrei hlutabréf fyrir meira fé en þú hefur efni á að tapa
    

24. ✤ Leggðu í vana þinn að reynast fólki vel sem mun aldrei komast að því
    

25. ✤ Segðu börnum þínum oft hve stórkostleg þau eru og að þú treystir þeim.
    

Þorgrímur Þráinsson

Andi ehf.   |   Tunguvegi 12   |   108 Reykjavík   |   Sími: 661 4000   |   Netfang: andi@andi.is