Nokkur ráð í erfiðum róðri


  1. ✤ Vaknaður 15 mínútum fyrr en venjulega. Kveiktu á kertum, fáðu þér sæti í stól, sittu með bakið beint, lokaðu                            augunum og dragðu andann eins djúpt niður í kviðarhol og þú getur. Einbeittu þér algjörlega að önduninni. Ljós og jákvæðni á innöndun, neikvæðni og áhyggjur hverfa við útöndun.

  2. ✤ Faðmaðu börnin á fætur og greiddu götu þeirra þar til skólinn byrjar.

  3. ✤ Borðaðu hollan og næringarríkan morgunverð.

  4. ✤ Hlustaðu á hljóðbók í bílnum eða tónlist sem lyftir þér upp.

  5. ✤ Verðu fyrstu 10 mínútunum í vinnunni í að lesa 10 blaðsíður í bók sem skilur eitthvað eitthvað og/eða vekur þig til umhugsunar um lífið og tilveruna. Og sjálfan þig.

  6. ✤ Segðu eitthvað fallegt við vinnufélagana, hrósaðu.

  7. ✤ Stundaði einhverja heilsurækt yfir daginn. Hlauptu eða gakktu rösklega. Heilsurækt kemur í veg fyrir þunglyndi og eykur þrótt og þol.

  8. ✤ Verslaðu saddur og kauptu eingöngu nauðsynjavörur. Ekki láta bragðlaukana plata þig en hugsaðu um líkamann. Þú veist hvað er hollt og gerir þér gott.

  9. ✤ Hjálpaðu börnunum við heimalærdóminn og spurðu hvernig dagurinn þeirra hafi verið. Hvílir eitthvað á þeim?  Vertu vinur barnanna.

  10. ✤ Ekki láta litla hluti fara í taugarnar á þér, líttu á heildarmyndina. Hvað er það versta sem gæti gerst?

  11. ✤ Áfengisneyslu og önnur vímuefnaneysla er yfirleitt flótti frá raunveruleikanum. Vertu flott fyrirmynd.

  12. ✤ Nýttu matarafganga. Fjölbreytt snarl getur verið frábær kvöldverður.

  13. ✤ Horfðu eingöngu á sjónvarpið ef þættir/fréttir skila þér jákvæðum hugsunum.

  14. ✤ Sæktu í návist þeirra sem lyfta þér upp og eru sífellt jákvæðir og bjartsýnir.

  15. ✤ Gefðu þér og maka þínum frí eitt kvöld í viku. Heimsækið skemmtilegt fólk, farið í kvikmyndahús, leikhús eða kaffihús. Frí frá skyldustörfum er bráðnauðsynlegt.

  16. ✤ Að kvöldi dags er gott að setja sér markmið fyrir næsta dag. Skrifaðu niður öll verkefni og forgangsraðaðu.

  17. ✤ Lestu stóru markmiðin, draumana þína, yfir á hverjum degi. Sjáðu þig fyrir þér upplifa þá. Þá rætast þeir fyrr. Uppgjöf er ekki til.

  18. ✤ Leggstu á koddann með hreina samvisku og spurðu sjálfan þig hvaða áhrif dagurinn hafi haft á þig, hvað þú hafir lært og hvort þú getir gert betur á morgun.

  19. ✤ Hafðu hugfast að þú breytir ekki heiminum, aðeins sjálfum þér.


Þorgrímur Þráinsson

Andi ehf.   |   Tunguvegi 12   |   108 Reykjavík   |   Sími: 661 4000   |   Netfang: andi@andi.is